ƏRZAQ İSTEHLAKI BAZARININ İDARƏEDİLMƏSI SİSTEMİNİN FORMALAŞMASININ METODOLOJİ SƏPKİLƏRİ

Abstract

Ərzaq məhsullarının istehlak bazarının idarə olunması mexanizmi formalaş­dırı­lar­kən qeyd edilən ticarət formatına iqtisadi və təşkilati üsullarla təsir göstərilir və hə­min üsullar onun  səmərəli fəaliyyət  göstərməsinə, bazar  subyektlərinin maraqlarının tə­min olunmasına xidmət edir.

Hesab edirik ki, iqtisadi idarəetmə üsulları iqtisadi cəhətdən məqsədyönlü şəkildə  idarəetmə obyekti kimi bazarın fəaliyyətinə təsir üsullarının məcmusu kimi diqqəti cəlb edir. İqtisadi üsulların məcmusu xidmətlərin satılmasına çəkilən xərclərin, istehlak ba­zarının fəaliyyətinin nəticələrinin nisbətinə əsasən ölçülür, xidmətlərin satılmasının mənfəətliliyin təmin edir.

Müəllif tərəfindən ərzaq bazarının idarə olunması sisteminin formalaşdırılması üçün iqtisadi üsullar içərisindən üç parametrdən istifadə edilməsi təklif edilir: qiymət, investisiya, kredit. Həmin indikatorların optimal uzlaşdırılması sözügedən ticarət for­matında zəruri mənfəətin əldə edilməsinə, bazar resurslarının istifadə edilməsinin sə­mərəliliyinin yüksəldilməsinə səbəb olur.

Qiymət yanaşmasında azad qiymətlər bazarında ayrı-ayrı məhsullara tələb və təklifin təsiri altında qiymətlərin qoyulması nəzərdə tutulmuşdur. Lakin istehlak baza­rın­da qiymət siyasəti diferensial olaraq nəzərdən keçirilir.