ГЕОМЕТРИЯЛЫҚ ОПТИКА ЗАҢДАРЫН ЗЕРТТЕУ СТЕНДІН ҚҰРУ ЖӘНЕ ОНЫҢ ОҚУ ҮДЕРІСІНДЕГІ ТИІМДІЛІГІН АНЫҚТАУ

Abstract

Орта мектептерде «Геометриялық оптика» бөлімін оқыту кезінде және оның практикалық қиын тұстарын түсіндіре отырып білім беруде, оқушылардың геометриялық оптикаға деген көзқарастарын қалыптастыруда, сонымен қатар білім алушылардың ойларын дамытуда үлкен орын алады. Орта мектептердің физика кабинетінде геометриялық оптика бөлімін түсіндіретін негізгі заңдылықтар мен процестерді түсіндіретін құрал-жабдықтарының аз болуы оқушылардың аталған бөлімді меңгеруіне кері септігін тигізеді. Бұл кемшілікті жоюдың жолы ретінде бұл мақалада оқу үдерісіне арналған зерттеу стендтерін құру және оны қолданудың әдістемесін жасау қарастырылады. Осы кемшілікке байланысты құруы жағынан қиын емес оқушылар үшін түсінікті және олардың бұл бөлімге деген қызығушылығын арттыратын геометриялық оптиканың көптеген заңдарын түсіндіретін стенд құру мақаланың басты мақсаты болады.