БОЙЛЫҚ САҢЫЛАУЛЫ ҚҰМТҰТҚЫШ ЖАҢА КОНСТРУКЦИЯЛАРЫ

Abstract

Қазіргі уақытта Қазақ Ұлттық су шаруашылығы және ирригация университетінде еңбек ететін, қауымдастырылған профессор С.Жолдасовтың бойлық саңылаулы құмтұтқыштардың жаңа конструкцияларына алынған патенттеріне тоқталсам деп едім.
Таулы және тау бөктерінде орналасқан өзендерде көктемгі-жазғы тасқын кезеңдерінде өте көп мөлшерде тасындылар тасымалданады, олар, каналдарға түсіп, әртүрлі деңгейдегі құрылымдарды пайдалану қиыншылықтарын туғызады. Тасындылардың арналарға түсуінің алдын алу үшін, олардың пайда болуының негізгі факторларын анықтау керек. Авторлар бұл факторларға келесілерді жатқызады [1, с.36-39]:
1) тау ағынының гидравлискалық ерекшеліктері;
2) құрылымдарда тасындылармен күресуге қолданылатын шаралардың жетілдірілмегендігі;
3) каналға түсетін тасындылардың әрқилы шоғырлануы;
4) вегетация кезеңінде өзендерден өте көп мөлшерде су алынуы.