Шала туылған балалардағы орталық жүйке жүйесінің перинатальдық зақымдануының ерекшеліктері

Abstract

Шала туған нәрестелердегі орталық жүйке жүйесінің перинаталдық зақымдануы (ОЖЖПЗ) — неонатология мен балалар неврологиясындағы өзекті  мәселелердің бірі. Жыл сайын дүние жүзінде 15 миллионға  жуық нәресте  шала туылады, бұл жаһандық шала туу көрсеткішінің шамамен 11% құрайды, ал Қазақстанда жыл сайын 20-22 мың нәресте шала туылады, бұл барлық туылған нәрестелердің 5% құрайды. Дүние жүзінде 1 миллион бала 5 жасқа  дейін  шала туылу  салдарынан қайтыс  болады, бұл 5 жасқа дейінгі балалар арасындағы барлық  өлімнің 18 % және жаңа туылған нәрестелер арасындағы барлық өлімнің 35 % құрайды, демек  жаңа туылған нәрестелер арасындағы өлімнің негізгі себебі шала туылу болып табылады. [1]. Бұл жағдайдың жиілігі мен ауыр зардаптары әлемдік медицина қауымдастығының ерекше назарын аударуда. Нейропсихика дамуының кешеуілдеуі мен мүгедектікке алып келу қаупі жоғары болғандықтан, қазіргі таңда бұл дерт жан-жақты зерттелуде. Бұл ғылыми-сараптамалық жұмыста осы дерттің этиологиясы мен патогенезі,  диагностиканың қазіргі заманғы принциптері, алдын алу шаралары жан-жақты қамтылады.