ХИМИЯ САБАҚТАРЫНДА САРАЛАП ОҚЫТУ ТЕХНОЛОГИЯСЫ ЖЕКЕ ТҰЛҒАНЫҢ ҚАБІЛЕТТЕРІН АШУ ЖӘНЕ ДАМЫТУ ӘДІСІ РЕТІНДЕ

Abstract

Химияны оқытуда тақырыптың өзекті болуы аса маңызды. Бұл пәннің өзіндік ерекшелігіне байланысты: мысалы, кейбір оқушыларға химияны игеру айтарлықтай қиындық тудырады,  ал өзгелерінің пәнді игеруге деген қабілеттілігі басым болады.

Оқушылардың дамуындағы жеке психологиялық-физиологиялық айырмашылықтардың болуы, білім беру саласына  сараланған оқытуды енгізу қажеттігін тудырды. Бұл  тәсіл мектепте  тұлғаның өзін-өзі тануына жағдай жасауға, әр оқушының бейіміне, қызығушылығына және мүмкіндігіне қарай білім алу қажеттілігін қанағаттандыруға, оның тұлғалық қасиеттерін қалыптастыруға және шығармашылық, жалпы мәдени әлеуетін  барынша толық ашуға мүмкіндік береді.

  Сараланған оқытудың қажеттілігі күннен-күнге артуда, өйткені, мектеп әр балаға өзінің қабілеті мен мүмкіндігі деңгейінде жалпы білім алуға жағдай жасауы керек, бұл осы зерттеуіміздің өзектілігін айқындайды.