Прокрастинация психологиялық зерттеулердің пәні ретінде

Abstract

Қазіргі қарқынды дамып келе жатқан заманда адамның қоғамдағы рөлі мен жауапкершілігі күн санап артып келеді. Адам қоғамның айрылмас бөлшегі және дамытушы күші ретінде бірнеше бағыттағы, салалардағы іс-әрекеттермен айналысып, оларды басқаруға міндетті. Осы тұста іс-әрекеттерді саналы немесе бейсаналы түрде кейінге қалдырып, уақыт тапшылығына қарамастан өзге істермен шұғылдану, істерді уақытында аяқтамау, уақытты басқара алмау себептері прокрастинация терминімен байланысты. Прокрастинация дегеніміз - маңызды тапсырмаларды кез-келген сылтаумен кейінге қалдыру процессі. Ғылыми әдебиеттердегі прокрастинация бірнеше түсіндірмелерге ие, бұл осы тұжырымдаманы анықтауға, оның мәнін, себептерін және адам іс-әрекетіндегі рөлін сипаттауға, прокрастинацияның әртүрлі түрлерін бөліп көрсетуге мұқият қарау қажеттілігін тудырады.