Ağıllı şəhər və ağıllı kənd konsepsiyalarının nəzəri əsasları

Abstract

Bu məqalədə ağıllı şəhər və ağıllı kənd konsepsiyalarının nəzəri əsasları araşdırılmışdır. Tədqiqat çərçivəsində bu konsepsiyaların mahiyyəti, əsas xüsusiyyətləri və formalaşma mərhələləri təhlil edilmişdir. Eyni zamanda, müasir rəqəmsal texnologiyaların, o cümlədən süni intellekt və böyük verilənlərin ağıllı sistemlərin inkişafındakı rolu müəyyən edilmişdir. Məqalədə ağıllı şəhər və kənd yanaşmalarının resursların səmərəli idarə olunmasına, həyat keyfiyyətinin yüksəldilməsinə və davamlı inkişafın təmin edilməsinə təsiri ümumiləşdirilmişdir. Bununla yanaşı, bu sahədə mövcud olan əsas problemlər və çağırışlar da nəzərdən keçirilmişdir. Tədqiqatın nəticələri göstərir ki, ağıllı texnologiyaların tətbiqi gələcəkdə daha dayanıqlı və insan mərkəzli yaşayış mühitinin formalaşmasına geniş imkanlar yaradır.