Қазақстанда цифрлық білім беру ресурстарын қолдану аспектілері

Abstract

Қазіргі таңда цифрлық технологиялардың дамуы білім беру саласын жаңартуды талап етуде. Цифрлық білім беру ресурстары мұғалімдерге оқыту үдерісін жетілдіруге, білім алушылардың оқу мотивациясын арттыруға және оқыту әдістерінің тиімділігін қамтамасыз етуге мүмкіндік береді. Болашақ педагогтарды кәсіби дайындығында цифрлық ресурстарды қолдану маңызды орын алады. Алайда, педагогтардың бұл бағыттағы құзыреттілігін қалыптастыруға жеткілікті назар аударылмауда.

Цифрлық білім беру ресурстары (ЦБР) қазіргі заманауи оқыту әдістерінің негізіне айналды. Қазақстан Республикасында білім беру жүйесін жаңғырту мақсатында бірқатар бағдарламалар мен жобалар жүзеге асырылды, олардың ішінде цифрлық ресурстарды қолдану ерекше орын алады.