TOXUCULUQ MÜƏSSİSƏLƏRİNDƏ İDARƏETMƏ MƏSƏLƏLƏRİNİN HƏLLİNDƏ XƏRCLƏRİN ƏSAS ROLU

Abstract

Ölkəmizin müasir iqtisadi həyatında təsərrüfat fəaliyyətinin vəzifələrinin konsolidasiyası və mürəkkəbliyi idarəetmə uçotu mexanizmlərinin tətbiqi ilə mümkün olan qəbul edilmiş qərarların bütövlüyünə, ardıcıllığına və effektivliyinə nəzarət etmək zərurətinə səbəb oldu. Hazırda idarəetmə uçotu mövzusu zəif öyrənilmiş və inkişaf etdirilməmişdir. Məhz bu da toxuculuq sənayesi müəssisələri üçün böyük maraq doğurur. Bazar şəraitində əsaslandırılmış idarəetmə qərarları qəbul etmək üçün xərclərin hesablanması üçün yeni metodlardan istifadə ehtiyacı artır. Onların köməyi ilə müxtəlif idarəetmə məqsədləri üçün müxtəlif xərclər hesablanır. Toxuculuq məhsullarının maya dəyərini və ona istehsal xərclərinin daxil edilməsinin düzgünlüyünü doğru şəkildə hesablamaq üçün bu iqtisadi kateqoriyanın məzmununu təşkil edən istehsal xərcləri və onun əsasında formalaşan hazır məhsulun qiyməti ilə əlaqəsini aydın başa düşmək lazımdır. İstehsal məsrəflərinin iqtisadi mahiyyətinin nəzərə alınması onların əsas indikativ təzahür formasının - maya dəyərinin sərhədlərini və məzmununu düzgün müəyyən etmək üçün zəruridir. Bu məqalənin əsas məqsədi də bu istiqamətdə toxuculuq sənayesi müəssisələrində uçot siyasətinin təkmilləşdirilməsi yollarının araşdırılmasıdır.