ЖЕРГЕ ОРНАЛАСТЫРУ ЖҰМЫСТАРЫ КЕЗІНДЕГІ ТІРШІЛІК ҚАУІПСІЗДІК ШАРАЛАРЫН ОРЫНДАУ

Abstract

Жерге орналастырудың барлық кезеңдерінде, жерге орналастыру объектілері мен құрылыстарын іздестіруде, жобалауда, салуда және пайдалануда жүргізілетін топографиялық-геодезиялық жұмыстарды орындау кезінде қажетті нәтижелерге қол жеткізуді, аспаптарды дұрыс пайдалануды және жұмысшылар мен инженерлік-техникалық персоналдың денсаулығын сақтауды қамтамасыз ететін белгілі бір ережелерді сақтау қажет. Мұндай ережелер мен іс-шаралардың жиынтығы қауіпсіздік техникасын құрайды [1].

Қауіпсіздік техникасы жөніндегі іс-шаралар, сондай-ақ қауіпсіздік техникасының техникалық құралдарын қолдану белгіленген тәртіппен және бекітілген нормативтік-техникалық құжаттама (стандарттар, қағидалар, нормалар, нұсқаулықтар) негізінде жүргізіледі.